Тошкентда автомобиль сотиб олиш учун «шапка» талаб қилган хусусий корхона мутасаддиси 10 йилга озодликдан маҳрум қилинди. Бу ҳақда «Ҳуқуқ» газетасига таяниб, «12news.uz» хабар бермоқда.
Нашрда қайд этилишича, «Салом транс» ва «Алижон транс сервис» ОАЖлари ўртасида 2014 йил декабрда тузилган шартномага мувофиқ, «Алижон транс сервис» «Салом транс»дан 55 дона Nexia автомашинасини сотиб олиши керак эди. Келишув бўйича 28 автомобиль ўз эгаларига етказилди. Қолган 27 автоулов эса 2015 йил мартида етказиб берилиши кўзда тутилган эди.
Бу орада «Алижон транс сервис» директори ўринбосари Гулида Холиқова «Салом транс» раҳбари Шокир Шоазизовдан ҳар бир сотилган машина учун бир минг доллардан, жами 55 минг доллар талаб қилди. Бироқ Шоазизов Солиқ, валютага оид жиноятларга ва жиноий даромадларни легаллаштиришга қарши курашиш (СВОЖЖДЛҚК) департаментига мурожаат қилди. Жиноий ишлар бўйича туман суди Холиқовани 10 йилга озодликдан маҳрум этишга ҳукм чиқарди.
Изоҳ (0)