Ўзбекистон Республикаси Олий ва ўрта махсус таълим вазирлигининг ўрта махсус, касб-ҳунар таълими маркази Меҳнат ва аҳолини ижтимоий муҳофаза қилиш вазирлиги билан биргаликда «Ўрта махсус, касб-ҳунар таълими муассасаларининг ўқитувчилари учун намунавий йиллик иш режасини тасдиқлаш тўғрисида» қарор (pdf) қабул қилди.
Унда ўрта махсус, касб-ҳунар таълими муассасаларининг умумтаълим фанлари ўқитувчилари учун намунавий йиллик иш режаси, умумкасбий ва махсус фанлари ўқитувчилари учун намунавий йиллик иш режаси, ўқитувчиларнинг асосий фаолият турларига сарфланадиган вақт меъёрлари, ўқитувчиларнинг намунавий шахсий йиллик иш режаси тасдиқланди.
Шахсий йиллик иш режаларини ишлаб чиқишда ўрта махсус, касб-ҳунар таълими муассасаси раҳбарияти йиллик иш режасидаги умумий соатлардан чиқмаган ҳолда бўлимлар учун ажратилган соатлар ҳажмини мазкур нормативларга нисбатан 30 фоизгача камайтириши ёки кўпайтириши мумкин.
Шунингдек, ҳужжатда белгиланишича, бир ставка дарс соати ҳажми 800 академик соат ҳисобланади.
Изоҳ (0)