O‘zbekiston Respublikasi Oliy va o‘rta maxsus ta’lim vazirligining o‘rta maxsus, kasb-hunar ta’limi markazi Mehnat va aholini ijtimoiy muhofaza qilish vazirligi bilan birgalikda “O‘rta maxsus, kasb-hunar ta’limi muassasalarining o‘qituvchilari uchun namunaviy yillik ish rejasini tasdiqlash to‘g‘risida” qaror (pdf) qabul qildi.
Unda o‘rta maxsus, kasb-hunar ta’limi muassasalarining umumta’lim fanlari o‘qituvchilari uchun namunaviy yillik ish rejasi, umumkasbiy va maxsus fanlari o‘qituvchilari uchun namunaviy yillik ish rejasi, o‘qituvchilarning asosiy faoliyat turlariga sarflanadigan vaqt me’yorlari, o‘qituvchilarning namunaviy shaxsiy yillik ish rejasi tasdiqlandi.
Shaxsiy yillik ish rejalarini ishlab chiqishda o‘rta maxsus, kasb-hunar ta’limi muassasasi rahbariyati yillik ish rejasidagi umumiy soatlardan chiqmagan holda bo‘limlar uchun ajratilgan soatlar hajmini mazkur normativlarga nisbatan 30 foizgacha kamaytirishi yoki ko‘paytirishi mumkin.
Shuningdek, hujjatda belgilanishicha, bir stavka dars soati hajmi 800 akademik soat hisoblanadi.
Izoh (0)