Жорий йилнинг 15 ноябрь, якшанба куни «Заковат» интеллектуал клуби томонидан навбат бўйича Х Республика фестивали ўтказилиши режалаштирилмоқда. Бу ҳақда «Заковат» Интеллектуал клубининг расмий сайтига таяниб, Хушнудбек Худойбердиев ўз блогида хабар қилди.
Ушбу фестивалда Республиканинг барча ҳудудларидан жамоалар иштирок этиши мумкин. Фестивалда иштирок этиш истагини билдирган жамоалар ташкилий қўмитага ўз аризасини топшириши лозим.
Фестивалда дастлабки учта ўринни қўлга киритган жамоалар экран орқали бўлиб ўтадиган саралаш баҳсларида қатнашиш ҳуқуқини эга бўлади.
Шунингдек, кучли учликка кира олмаган Қорақалпоғистон Республикаси ҳамда вилоятлардан иштирок этаётган жамоалар орасида энг яхши натижа кўрсатган бир жамоа ҳам эгаллаган ўрнидан қатъи назар экран ўйинларида иштирок этиш ҳуқуқини қўлга киритади.
Шундай қилиб, фестивалда жами 4 та жамоа экран ўйинларига йўлланма олади.
Турнир 1 босқичда ўтказилиб, 60 та савол ўйналади.
Фестиваль Тошкент шаҳри Юнусобод туманида жойлашган «Тановор садоси» ресторанида ўтказилади (мўлжал: «Зенит» заводи орқа томонида).
Изоҳ (0)