Россиялик пародиячи, телебошловчи, киноактёр ва қўшиқчи Максим Галкин Россиянинг Биринчи канали орқали эфирга узатиладиган «Вечерний Ургант» кўрсатувида меҳмон бўлди.
Суҳбат давомида Максим Галкин турли тиллар қаторида ўзбекча гапира олишини ҳам таъкидлаган ҳамда ўзбек тилида сўзлаша олишини исботлаган.
«Мен ўзбек тилини ўрганганман. Мен ўзбек тилида гапиряпман. Сизлар билан учрашганимдан жуда хурсандман. Тошкент чиройли шаҳар, одамлари ундан ҳам чиройли», — деган Максим Галкин.
Унинг ўзбекча сўзлашишидан олинган видеолавҳани «Myday.uz» сайтининг Facebook’даги саҳифасида томоша қилишингиз мумкин.
Эслатиб ўтамиз, Максим Галкин 2014 йил Тошкентда берган концерти давомида ҳам ўзбекча гапирган эди.
Изоҳ (0)