Германия прокуратураси Volkswagen’нинг собиқ раҳбари Мартин Винтеркорнга нисбатан тергов ҳаракатларини бошлади. Бу ҳақда, Брауншвейг шаҳар прокуратурасига асосланиб, «РБК» хабар бермоқда.
Хабар беришларича, тергов автомобилларни сотиш вақтида эмиссион маълумотларни манипуляция қилиш орқали харидорларни алдашга жавобгар бўлган шахсларни аниқлашга уринади.
Аввалроқ Европа марказий банки VW’нинг қимматбаҳо қоғозларини сотиб олишга вақтинча тақиқ жорий этганди, Буюк Британия бош вазири Дэвид Кэмерон эса Британияда VW’нинг бир қатор моделлари савдоси тақиқланиши ҳақидаги миш-мишларни рад этишдан намойишкорона бош тортганди.
Эслатиб ўтамиз, АҚШнинг атроф-муҳит муҳофазаси бўйича агентлиги (EPA) Volkswagen’ни қўпол алдов ҳамда инсонлар саломатлиги ҳамда атроф-муҳитга зарар етказишда айблаб чиққанди. Шу муносабат билан АҚШнинг бир қатор штатлари прокурорлари биргаликда тергов ишларини бошлаган.
АҚШда Германия автоконцернига мамлакат автомобилсозлик тарихидаги энг катта — 18 миллиард доллар миқдорида жарима солиниши мумкин.
Изоҳ (0)