Зарарли моддалар миқдорини аниқлаб берувчи экологик тестларнинг қалбакилаштирилиши Volkswagen концернининг шўъба корхонаси бўлмиш Audi компаниясининг бутун дунёдаги 2,1 миллион атрофидаги автомобилларига тегишли, дея маълум қилган компания вакили. Бу ҳақда «ТАСС» хабар бермоқда.
Вакилнинг билдиришича, фақат Германиянинг ўзида компаниянинг тахминан 577 минг атрофидаги деярли барча моделдаги автомобилларида мазкур камчиликлар аниқланган.
Эслатиб ўтамиз, АҚШ расмийлари концернга ушбу мамлакат бозорида 2009-2015 йилларда сотилган 482 минг дизель двигателли Volkswagen ва Audi енгил машиналарини қайтариб олиш мажбуриятини юклади. Автогигантга солиниши мумкин бўлган жарима миқдори 18 миллиард долларга етиши мумкин. Европа ва Осиёда ҳам концернга нисбатан суриштирув бошланган.
Изоҳ (0)