АҚШ бўйлаб сафар қилаётган Рим папаси Франциск чўлоқланишни бошлади ва кўринишидан чарчаганга ўхшайди. Бу ҳақда 26 сентябрь, шанба куни АҚШнинг USA Today нашри хабар берди.
Ватикан матбуот хизматининг маълум қилишича, декабрь ойида 79 ёшга тўладиган понтифик бироз чарчаган бўлса-да, кайфияти кўтаринкилигича қолмоқда.
Франциск 26 сентябрь куни Нью-Йорк аэропортида самолёт трапидан кўтарилаётиб, қоқилиб кетди. Ватикан вакили Томас Росиканинг маълум қилишича, понтифик ўз либоси этагини босиб олгани сабаб йиқилаёзган.
Росиканинг таъкидлашича, ҳозирги вақтда Францискнинг касалликлар масаласида жиддий муаммоси йўқ, папа саёҳатдан завқ олмоқда ва «унинг юзига қараб, бунга ишонч ҳосил қилиш мумкин».
Рим папаси 22 сентябрдан 27 сентябрга қадар АҚШ бўйлаб саёҳат қилади. Бунгача у ташриф билан Кубада бўлганди.
Изоҳ (0)