Украина президенти Пётр Порошенко БМТ Бош Ассамблеясининг 70-сессияси доирасидаги тадбирларда иштирок этиш учун Нью-Йоркка етиб келди. Бу ҳақда, Украина президенти матбуот хизматига асосланиб, «Корреспондент.net» хабар бермоқда.
Қайд этишларича, БМТ Бош Ассамблеяси умумий дебатлари доирасидаги Порошенконинг нутқи 29 сентябрь, сешанба кунига мўлжалланган. Шунингдек, Порошенко Барқарор ривожланиш мақсадлари бўйича, Тинчликни таъминлаш масалалари бўйича, ИШИД ва зўравонликка асосланган экстремизмга қарши кураш масалалари бўйича саммитларда, «Клинтон фонди» конференциясида иштирок этиши кўзда тутилган.
Бундан ташқари, Украина давлат раҳбари Донецк вилоятида қулаган Malaysia Airlines самолёти ҳалокатини тергов қилувчи қўшма гуруҳга кирувчи мамлакатларнинг делегация раҳбарлари, Атлантика кенгашидаги эксперт ва сиёсий арбоблар ва Америка ишбилармон доира вакиллари билан учрашувлар ўтказиши режалаштирилган. Ўз навбатида, бош мамлакатларнинг давлат ва ҳукумат раҳбарлари ҳамда АҚШдаги украин ҳамжамияти вакиллари билан мулоқотлар ташкил этилади.
Изоҳ (0)