Мадриднинг «Реал» клуби ҳужумчиси Криштиану Роналду «Манчестер Юнайтед»да Уэйн Руни билан бир жамоада тўп суришни ёқтирганини айтиб ўтди. Бу футболчилар 2004 йилдан то 2009 йилга қадар биргаликда «МЮ» шарафини ҳимоя қилган эди, деб хабар беради «Uff.uz».
«Рунини соғинаман. Умид қиламанки у билан яна бир жамоа сафида майдонга тушамиз. Уни ‘МЮ’да ҳар доим яхши кўришган. Унда ғолиблик руҳияти бор ва у ҳеч қачон тўхтаб қолмайди. Ўзи гол уриши ҳам ёки жамоа учун ўйнаши ҳам мумкин.
ЖЧ—2006 мусобақасидаги келишмовчиликка келсак, мен ҳеч нарсадан афсусда эмасман. Терма жамоа сафида ўйнар экансан, ўз мамлакатинг шарафини ҳимоя қилишинг лозим. Шундан сўнг биз Руни билан гаплашиб олганмиз ва у менинг фикримга қўшилган. Биз ҳамон дўстлармиз. Баъзи инсонлар эса йўқ жойдан жанжал ўйлаб топишга уринади», — дейди Роналду.
Эслатиб ўтамиз, 2006 йилги жаҳон чемпионати вақтида Англия ва Португалия терма жамоалари тўқнашувида Руни ерда ётган Рикарду Карвальoни босиб ўтган ва Роналду буни ҳакамга айтиб берган эди. Натижада ҳакам Рунини майдондан четлатган, Англия терма жамоаси эса пенальтилар сериясида мағлубиятга учраган эди.
Изоҳ (0)