Сомали пойтахти Могадишодаги президент Ҳасан Шайх Муҳаммад саройи олдида рўй берган теракт оқибатида камида беш киши ҳалок бўлди. Бу ҳақда «ТАСС» хабар бермоқда.
«Худкуш томонидан бошқарилган портловчи модда ортилган машина президент саройи олдида портлаб кетди. Ҳозирча беш аскар нобуд бўлгани, ўндан ортиқ киши жароҳатлангани маълум», — дея баён қилган пойтахт полицияси вакили Али Ҳусайн. Унинг таъкидлашича, террорчилар саройдан портлашдан аввалроқ жўнаб кетган БМТ автомобилларини нишонга олишни кўзлаган бўлиши мумкин.
Теракт туфайли президент саройи мажмуининг дарвозаси шикастланган, ҳодиса жойида ёниб кетган бешта автомобиль борлиги айтилмоқда.
Изоҳ (0)