Смарт соатлар инсон соғлиғи учун фойда келтириши мумкинлиги аниқланди. Уларга ўрнатилган датчик, ҳаттоки, инсон ҳаётини сақлаб қолиши мумкин, деб хабар беради «Hi-Tech.mail.ru».
Бу сафар Купертино компанияси «ақлли» соати – Apple Watch мактаб ўқувчисининг ҳаётини қутқариб қолди. Гаджет 17 ёшли америкалик Пол Хоулга футбол машғулотларидан бир неча соат ўтганлигига қарамасдан, унинг юраги бир дақиқада 145 марта ураётганлигини аниқлашга имкон берди.
Шифокорлар текширув натижаларидан сўнг ўсмирда мушак жароҳати туфайли юзага келган рабдомиолиз синдромини аниқлади.
«Шифокорларнинг сўзларига қараганда, эртаси куни ҳам машғулотларга борган тақдиримда, мушаклар назоратини йўқотиб, майдонда вафот этишим мумкин эди», — деди Пол. Ўсмир Apple Watch’нинг юрак уришини кузатиб борувчи функциясидан миннатдор эканлигини таъкидлади.
Изоҳ (0)