Тошкент шаҳар Ички ишлар бош бошқармасининг Йўл ҳаракати хавфсизлиги бошқармаси томонидан 20 августда содир бўлиб, икки ёш қизнинг ўлимига сабаб бўлган йўл-транспорт ҳодисаси бўйича пухта текширув ўтказилди, дея хабар бермоқда «Газета.uz».
Йўл-транспорт ҳодисаси ҳақида «Дарё», «Газета.uz» ва «Даракчи»да чоп этилган мақола ЙҲХБ ходимлари ўртасида муҳокама қилинган, бунда вазият бўйича фикрлар билдирилган, Тошкент шаҳри йўлларида йўл ҳаракатини яхшилаш бўйича муайян чоралар белгиланган.
Мазкур ЙТҲ юзасидан ЙҲХБ Йўл назорати бўлими муҳандислари Буюк Ипак йўли ва унга туташ кўчаларни яна бир марта текшириб чиққан. Махсус монтаж-эксплуатация бошқармасига йўлдаги белгилар ва горизонтал чизиқларни қайта тиклаш вазифаси берилган.
Изоҳда қўшимча равишда хабар қилинишича, ЙҲХБ Ўзбекистон пойтахтида йўл ҳаракати хавфсизлигини таъминлаш бўйича катта иш олиб бормоқда.
Эслатиб ўтамиз, 20 август куни кечқурун Тошкентдаги «Она ва бола» тиббий маркази яқинида йўл-транспорт ҳодисаси рўй бериб, икки ёш қизнинг умрига зомин бўлгани хабар берилган эди.
Изоҳ (0)