Курсида ўтирган Жулиан Ассанж, Челси Мэннинг ва Эдвард Сноуденнинг бронзадаги кўринишлари БМТнинг Женевадаги ваколатхонаси олдидаги майдонда қад ростлади. Улар бу ерда 18 сентябрь, жума кунига қадар туради. Бу ҳақда Interfax хабар бермоқда.
«Бу оммавий кузатув ва ёлғон татбиқ этилишига йўқ дея олган ва ҳақиқатни гапиришни ихтиёр этган уч инсоннинг шижоатига ўрнатилган ҳайкалдир», — дея маълум қилган журналистларга инсталляция муаллифи, италиялик Давиде Дормино.
Қаҳрамонлар ёнида тўртинчи, бўш курси ҳам бор, муаллиф ғоясига кўра, унга номи зикр этилган инсонлар билан бир сафда туришга тайёр бўлган исталган киши ўтириши мумкин. Олдинроқ бу инсталляция Берлин ва Дрезденда намойиш этилган, сентябрда эса Парижга жўнатилиши кўзда тутилган.
Изоҳ (0)