Қозоғистоннинг Байконур шаҳридаги ҳовлиларнинг бирида 12 сентябрга ўтар кечаси икки безори эркак ўқотар қуролдан ўқувчи ва талабалар гуруҳига қарата етти марта ўқ узди. Бу ҳақда «Nur.kz» хабар бермоқда.
Россия Тергов қўмитасининг «Байконур» мажмуаси бўйича бўлинмаси хабарига кўра, ҳодиса натижасида 1999 йилда туғилган жабрланувчи шифохонага етмай вафот этган, яна уч киши — 1991, 1992 ва 1997 йилларда туғилган жабрланувчилар тан жароҳати олган, уларнинг икки нафари айни вақтда жонлантириш бўлимида қолмоқда.
Мазкур ҳолат бўйича бўйича жиноят иши қўзғатилган, гумонланувчиларнинг шахси аниқланиб, ҳозирги вақтда уларни излаш ишлари бошлаб юборилган. Ҳодиса юзасидан дастлабки тергов-суриштирув ҳаракатлари олиб борилмоқда.
Маълумот учун, Байконур шаҳрини ҳам ўз ичига олган «Байконур» мажмуаси Қозоғистон томонидан Россияга ижарага берилган ва бу ҳудудда тергов ҳаракатлари Россия Тергов қўмитаси томонидан олиб борилади.
Изоҳ (0)