Кейинги икки йил Ерда кузатувларнинг бутун тарихидаги энг иссиқ йиллар бўлиши мумкин. Бундай хулосага, «РБК» хабарига кўра, Британия метеорология бюроси мутахассислари келган.
Сайёрадаги ҳаво ҳарорати Жаҳон океанидаги юз бераётган жараёнлар сабаб кўтарилади. Бунда Ер сатҳини сезиларли иситиши кутилаётган Эл-Нино энг муҳим ҳодисага айланади. Эл-Нино Тинч океани сувларининг юқори қатламларида ҳароратнинг кўтарилиши жараёни бўлиб, бу карбонат ангидрид гази ажралиб чиқиши ҳажми кўпайгани ва океандаги табиий жараёнлар билан боғлиқ.
Америкалик олимларнинг прогнозларига кўра, 2015 йилда Эл-Нино рекорд даражада кучли ҳодисага айланиб, Шимолий Америка ғарбидаги сув тошқинларига, Индонезия, Австралия ва Ҳиндистоннинг бир қатор ҳудудларидаги қурғоқчиликларга сабаб бўлади ва Тинч океанининг ғарбий қисмларига қуруқ жазирама ҳавони олиб келади.
2015 йилда Эл-Нинонинг Атлантика океанида кечаётган жараёнларга «қўшилиши», муҳим ҳал қилувчи паллага айланди. Ернинг аксарият қисмида яқин икки йил ичида ҳаво исиши кутилаётганига қарамай, Европада, катта эҳтимол билан, ёзлар одатдагидан салқин келади. Бироқ олимлар бунинг сабабини изоҳлаб бераётгани йўқ.
Маълумот учун, 2015 йилнинг июль ойи 1880 йилдан бошланган кузатувлар тарихидаги энг иссиқ давр бўлди.
Изоҳ (0)