Украина ташқи ишлар вазирлиги Россия президенти Владимир Путин ва Италия собиқ бош вазири Сильвио Берлусконининг Қримга сафарини қоралади, дея хабар бермоқда Meduza.
Муассаса уларни Украина томонидан ўрнатилган яриморолга кириш қоидаларини бузганликда айблади. Ушбу қоидалар бундай ташрифларни Украина томони билан келишишни назарда тутади.
Украина ТИВ баёнотида таъкидланишича, Берлусконинг хатти-ҳаракатлари «Европа иттифоқининг Қримга нисбатан сиёсатига зид келмоқда».
Эслатиб ўтамиз, 11 сентябрь куни Россия президенти Владимир Путин Қримда Италиянинг собиқ бош вазири Сильвио Берлускони билан учрашгани хабар берилган эди. Сиёсий арбоблар Қрим урушида ҳалок бўлган Сардиния қироллиги аскарлари хотираси учун ўрнатилган ёдгорлик олдида учрашди. Кейинроқ Берлускони Путин ҳамроҳлигида Қримда жаҳондаги энг катта вино кутубхонасининг асосий ертўласига тушиб, вино татиб кўргани хабар қилинди.
Изоҳ (0)