Қўқонлик абитуриент олий ўқув юртига ўқишга кириш учун ўзининг билимига ишонмади ва бунинг учун эгри йўлларни қидирди, деб ёзади «Ҳуқуқ» газетаси.
У Тошкент Давлат педагогика университетининг математика факультетида таҳсил олувчи талаба билан танишиб қолди. Қўқонлик йигит янги танишининг ОТМга ўз кучи билан кириб, бюджетда ўқишини эшитгач, ундан ёрдам сўради. Абитуриент ўз билимига ишонмаслигини, ўқишга киришига ёрдам берса, албатта рози қилишини айтди ва уни кўндирди.
Газетада қайд этилишича, улар қўқонлик абитуриентнинг номидаги ҳужжатларга талабанинг суратини ёпиштириб, қабул комиссиясига топширди. Белгиланган куни талаба Давлат тест маркази томонидан берилган тест саволларини ечиб, Жиззах политехника институтига кириш баллини тўплаб берди.
Бироқ икки йил ўтиб, барчаси ойдинлашди. Тегишли тартибда жазога тортилган икковлон ўқишдан четлатилди.
Изоҳ (0)