Apple компанияси 9 сентябрь куни Сан-Францискода ташкил этилган тақдимотда янги iPhone мобил телефонларининг янги авлодини намойиш этди. Бу ҳақда Meduza хабар бермоқда.
Икки янги модель iPhone 6s ва iPhone 6s Plus номларини олди. Мазкур қурилмаларда татбиқ этилган энг муҳим янгиликлардан бири — телефон экранига босиш кучини аниқлай оладиган 3D Touch технологиясини қўллаб-қувватлашидир.
Смартфоннинг орқа томонида жойлашган камеранинг ажрата олиши 12 мегапикселгача оширилган — бир авлод эски iPhone’нинг камераси 8 мегапикселли эди.
«Газета.ru»нинг ёзишича, янги қурилмага A9 процессори ўрнатилган. Бундан ташқари, олдиндан тахмин қилинганидек, Siri’ни ёқиш учун энди тугмаларни босиш шарт эмас — электрон ёрдамчини «Hey, Siri» жумласи билан «уйғотиш» мумкин.
Аввалроқ, Сан-Францискодаги тақдимот давомида Apple ўз тарихидаги энг катта планшет — iPad Pro’ни намойиш этгани ҳақида хабар берилган эди.
Изоҳ (0)