Apple компанияси 9 сентябрь куни Сан-Францискода ташкил этилган тақдимотда iOS тизимида ишлайдиган янги планшет — iPad Pro’ни намойиш этди. Meduza хабарига кўра, қурилма диагонали 12,9 дюймга тенг, бир марта қувватлантирилганда 10 соатгача ишлай олади.
Apple компанияси iPad Pro билан бирга бир неча қўшимча ускуналарни, хусусан, планшет учун алоҳида клавиатураси бор ғилоф, Apple Pencil номли стилус (қалам)ни тақдим этди. Янги iPad’нинг оғирлиги 700 граммга яқин.
Қиймати 799 доллардан 1079 долларгача бўлган янги iPad Pro’нинг савдоси 2015 йил ноябридан бошланади. Apple Pencil стилусининг нархи 99 долларга, клавиатурали ғилоф қиймати эса 169 долларга тенг.
Бундан ташқари, Apple техник тавсифи iPad Air 2 ники билан тўлиқ бир хил, бироқ ўлчамлари кичикроқ бўлган iPad mini 4 чиқарилишини ҳам маълум қилди.
Изоҳ (0)