Apple компанияси 9 сентябрь куни узоқ кутилган тақдимотини ўтказди ва унда янги iPhone 6s ва iPhone 6s Plus, iPad Pro планшети, Apple ТV приставкаси ҳамда Apple Watch учун янги тасмаларни намойиш этди, дея хабар бермоқда «Hi-tech.mail.ru».
Тақдимот Apple Watch «ақлли» соати билан бошланди. Маълум қилинишича, фойдаланувчиларнинг соатдан қониқиш даражаси 97 фоизни ташкил этади. Қурилма учун 10 мингдан ортиқ дастурлар чиқарилган. Масалан GoPro учун мўлжалланган дастур видеони реал вақтда экшн-камерадан соатга ўтказиш имконини беради. 16 сентябрда watchOS 2 операцион тизими чиқарилгач, бундай дастурлар сони янада ошади.
Тадбирда Hermes’нинг қўлда ишланган чарм боғичлари коллекцияси кўрсатилди. Уларни октябрдаёқ харид қилиш мумкин бўлади. Соатнинг моделлари қатори ҳам янгиланди. Apple Watch Sport энди тилларанг ва пушти тилларанг тусда чиқарилади.
Шунингдек, PRODUCT(RED) сериясидаги соат ҳам чиқарилди, уни сотишдан тушган маблағ Африкада ОИTС билан кураш бойича жамғармага ўтади.
Изоҳ (0)