Тожикистон президенти Эмомали Раҳмон мамлакат ҳудудидаги геосиёсий тўқнашувларнинг кескинлашуви шароитида экстремизм ва террорчиликка қарши кураш Тожикистоннинг асосий муаммоларидан бири бўлиб қолаётган бир пайтда тожик жамиятининг дунёвий тараққиёт йўли ягона тўғри йўл эканлигини таъкидлади. Бу ҳақда Interfax хабар беради.
«Замонавий дунё тараққиётини кузатиш орқали олинган тажриба шуни кўрсатадики, давлат бошқарувининг дунёвий тамойилини танлаш тўғри ва узоқни кўзлаб танланган йўл ҳисобланади. Бугун ушбу ғоя жамиятнинг осуда ҳаётини таъминлашнинг энг асосий негизларидан бирига айланди», — деди президент Мустақиллик куни муносабати билан телевидение орқали мурожаатида.
Тожикистон 9 сентябрь куни мустақилликка эришганлигининг 24 йиллигини нишонлайди. Анъанага кўра, байрамдан бир кун олдин президент иштирокида тантанали йиғилиш бўлиб ўтади.
Изоҳ (0)