Лас-Вегасдаги кураш бўйича жаҳон чемпионати ташкилотчилари 75 килограмм вазнда ғолиб бўлган россиялик курашчи Роман Власовни тақдирлаш вақтида Россиянинг биринчи мадҳияси – Михаил Глинканинг «Ватанпарварлик қўшиғи»ни қўйиб юборди. Бу ҳақда Россиянинг кураш бўйича федерацияси сайти хабар беради.
«Мен дастлаб қайси мадҳия янграётганлигига аҳамият бермадим. Бироз вақт ўтиб, бу бизнинг мадҳия эмаслигини тушундим. Бегона мадҳия тугагандан сўнг, Россия мадҳияси янграмагунча супадан тушмаслигимни маълум қилдим! Айнан шу дақиқа учун биз йил давомида меҳнат қиламиз», — дейди Власов.
Натижада ташкилотчилар ўз хатосини тўғрилади.
Изоҳ (0)