UzReport TV телеканали Англия Премьер-лигасидан ўрин олган футбол учрашувларини трансляция қилишни режалаштирмоқда. Бу ҳақда 8 сентябрь куни Тошкентдаги Халқаро Бизнес марказида УЕФА Чемпионлар Лигаси мусобақасининг UzReport TV телеканали томонидан трансляция қилинишига бағишланган матбуот анжуманида эълон қилинди.
Англия футболининг Ўзбекистондаги миллионлаб мухлислари қизиқишларини инобатга олган ҳолда, UzReport TV телеканали Англия Премьер-лигаси (AПЛ) учрашувларини Ўзбекистон Республикасида тўғридан-тўғри бепул телевидениеда намойиш қилиш эксклюзив ҳуқуқини ҳам харид қилганини расман эълон қилди. AПЛ учрашувлари жорий йилнинг ноябрь ойидан бошлаб UzReport TV телеканали орқали трансляция қилиниши режалаштирилмоқда.
Матбуот анжуманида UzReport TV телеканали Бош директори Равшан Джураев Англия Премьер-лигасидан ўрин олган футбол учрашувларининг тўғридан-тўғри трансляцияси ҳуқуқини харид қилишдан кўзланган асосий мақсад соғлом турмуш тарзини тарғиб қилиш ва телетомошабинлар орасида спортга бўлган қизқишни ошириш мақсадида спорт мавзусини янада ривожлантиришга қаратилган телеканалнинг янги концепцияси билан боғлиқлигини таъкидлади.
Изоҳ (0)