Google корпорацияси 2015 йил кузида Хитой ҳукуматидан Google Play интернет-хизматининг Хитой учун мўлжалланган версиясини ишга туширишга рухсат олишга умид қилмоқда. Бу ҳақда The Information нашри хабар бермоқда.
Бундан ташқари, компания Android Wear платформасини қўллаб-қувватлашни ҳам кенгайтириш ниятида.
«Мазкур ҳаракатлар Google’ни давлат цензураси талабларини бажариб, фойдаланувчиларнинг маълумотларини Хитой ҳудудида сақлаб, мазкур мамлакатда интернет хизматларини кўрсатувчи компаниялардан бирига айлантиради», — деб ёзади нашр.
Эслатиб ўтамиз, 2014 йил охирида Хитой ҳукумати мамлакат ҳудудида Gmail сервисини ўчириб қўйганди. Мамлакат ҳукумати ҳозирги вақтда ҳам Google сервисларини блок қилиб қўйишни давом эттирмоқда. Шунга қарамай, Google’нинг хитойлик фойдаланувчилари компания хизматларидан фойдаланишнинг янгидан янги йўлларини излаб топмоқда.
Изоҳ (0)