Telefonica Research’нинг Барселонадаги лабораторияси мутахассислари Android операцион тизимида ишлайдиган смартфонлар учун гаджет фойдаланувчиси зерикаётганини аниқлай оладиган илова-дастур ишлаб чиқди. Бу ҳақда тадқиқот раҳбари Мартин Пело ўз сайтида ҳисобот эълон қилган.
Алгоритм фойдаланувчи смартфондан қанчалик кўп фойдаланаётганига асосланиб, хулоса чиқаради. Тахминни билдириш олдидан турли қўшимча омиллар — кун қисмидан тортиб, сўнгги қўнғироқ ва хабарномадан кейин қанча вақт ўтганига қадар маълумотлар ҳисобга олинади. Синов натижаларига кўра, 83 фоиз ҳолатда илова-дастур фойдаланувчиларнинг зерикаётганини тўғри аниқлай олган.
Алгоритмни текшириш учун алоҳида тажриба ўтказилди. Илова-дастур зерикаётган фойдаланувчиларга BuzzFeed сайтидан мақолаларнинг ҳаволаларини юборишга ўргатилди. Маълум бўлишича, зерикаётган фойдаланувчилар мақолаларни тасодифан топиб олган кишиларга нисбатан сайтга тез-тез кирган ва у ерда кўпроқ вақт сарфлаган.
Изоҳ (0)