Ўзбекистоннинг иккинчи рақамли теннисчиси Фаррух Дўстов АҚШнинг Нью-Йорк шаҳрида старт олган йилнинг тўртта нуфузли турниридан бири – US Open мусобақасининг саралаш баҳсларида омадсизликка учради, деб хабар бермоқда «Оламспорт».
Ўзбекистонлик теннисчи саралашнинг илк босқичида германиялик Михаэль Беррерга 6:7, 6:4, 4:6 ҳисобида имкониятни бой бериб қўйди. Таққослаш учун, Дўстов дунё рейтингида 157, Беррер эса 120-ўринни эгаллаб турибди.
Эслатиб ўтамиз, Ўзбекистоннинг биринчи ракеткаси Денис Истомин тўғридан-тўғри АҚШ Очиқ чемпионатининг асосий тўридан иштирокини бошлайди.
Изоҳ (0)