Пхеньян 21 август, жума куни Корея ярим оролида вазият кескинлашуви юзасидан БМТ Хавфсизлик Кенгаши зудлик билан йиғилишини талаб қилди, деб ёзади «ТАСС».
Хавфсизлик Кенгашига йўналтирилган хатда КХДРнинг ташкилотдаги доимий вакили Ча Сон Нам кескинлик кучайиши бўйича жавобгарликни Вашингтон ва Сеулга юклади ҳамда Шимолий Корея армияси қўшни мамлакатга қарата «бирорта ҳам ўқ ёки снаряд отмагани»ни таъкидлади.
Ярим оролда вазиятнинг жиддий кескинлашуви 20 август, пайшанба куни КХДР ва КР Қуролсизлантирилган ҳудуднинг ғарбий қисмида бир-бирига артиллериядан ўқ ёғдиргач, содир бўлди. Жанубий Корея маълумотларига кўра, ўт биринчи бўлиб, Шимол томонидан очилган, бунга у ерга Сеул томонидан Пхеньянга қарши тарғибот кампаниясида фойдаланиладиган радиокарнайлар жойлангани сабаб бўлган. Бироқ КХДР ўз ҳарбийлари биринчи бўлиб ўқ ёғдирганини рад этмоқда.
Изоҳ (0)