Мехикода инсон бош суякларидан тикланган девор топилди

Археологлар Мехиконинг тарихий марказида ацтеклар империяси даврига тегишли инсон бош суякларидан тикланган девор топди. Бу ҳақда Мексика археология ва тарих миллий инсититути сайтида хабар жойлаштирилган, дея маълум қилди «Korrespondent.net».

Баландлиги 24 метрдан зиёд бўлган девор Гватемала кўчасида, икки метр чуқурликда топилган. Унинг марказий қисмидаги доира шаклида жойлаштирилган бош суякларидан ташқари, қурилиш материали сифатида оҳак, қум ва шағал ҳам ишлатилган.

Олимларнинг таъкидлашича, девор XV аср охири—XVI аср бошларида барпо этилган, ундаги суяклар эса боши танасидан жудо этилган ацтеклар душманларига тегишли бўлган.