Британиялик актёр Кристиан Бэйл италиялик автоконструктор ва пойгачи Энцо Феррарига бағишланган биографик фильмда бош ролни ижро этади. «Корреспондент.net» хабарига кўра, фильмга Брок Ецнинг 1991 йилда чоп этилган «Энцо Феррари: эркак, машиналар, пойгалар» китоби асос бўлади.
Фильм Майкл Манн режиссёрлигида суратга олинади, у мазкур фильмни тасвирга олиш учун 15 йилдан бери ҳаракат қилади. Фильм учун инвестор топиш мақсадида 2015 йилги Торонто кинофестивалида картина лойиҳаси тақдимоти ўтказилади.
Сюжет бўйича, ҳодисалар 1957 йилда юз берди. Фильмда Ferrari брендининг автомобилсозлик бозорига кириб келиши ҳақида ҳикоя қилинади. Унда, шунингдек, муҳаббат саҳналарига ҳам ўрин берилади — Манн ҳозирда аёл роли учун бир қатор актрисаларнинг номзодларини кўриб чиқмоқда.
Изоҳ (0)