«Соғлом бола йили» Давлат дастурига мувофиқ, 2014 йилдан бошлаб «Зумраша» болалар ҳажвий киножурналининг 12 та қисмини ҳар йили мунтазам равишда суратга олиш белгилаб қўйилган. Хусусан, ўтган йили суратга олинган киножурналнинг тақдимоти 2014 йил декабрь ойида бўлиб ўтганди, деб хабар беради «Ўзбеккино» Миллий агентлиги.
«Ўзбеккино» Миллий агентлиги ҳузуридаги «5-студия» ёшлар тажриба ижодий уюшмаси «Зумраша» киножурналининг 2015 йил ҳисобидан дастлабки қисмларини тайёрлаб бўлди.
Айни вақтда «Зумраша» киножурналининг 3—6-қисмларини тасвирга олиш ишлари давом этмоқда. 2015 йил охирига қадар киножурналнинг жами 12 та қисмини суратга олиш кўзда тутилган.
Изоҳ (0)