Britaniyalik aktyor Kristian Beyl italiyalik avtokonstruktor va poygachi Entso Ferrariga bag‘ishlangan biografik filmda bosh rolni ijro etadi. “Korrespondent.net” xabariga ko‘ra, filmga Brok Yetsning 1991-yilda chop etilgan “Entso Ferrari: erkak, mashinalar, poygalar” kitobi asos bo‘ladi.
Film Maykl Mann rejissorligida suratga olinadi, u mazkur filmni tasvirga olish uchun 15 yildan beri harakat qiladi. Film uchun investor topish maqsadida 2015-yilgi Toronto kinofestivalida kartina loyihasi taqdimoti o‘tkaziladi.
Syujet bo‘yicha, hodisalar 1957-yilda yuz berdi. Filmda Ferrari brendining avtomobilsozlik bozoriga kirib kelishi haqida hikoya qilinadi. Unda, shuningdek, muhabbat sahnalariga ham o‘rin beriladi — Mann hozirda ayol roli uchun bir qator aktrisalarning nomzodlarini ko‘rib chiqmoqda.
Izoh (0)