Ротенберглар санкциялардан сўнг Россиянинг энг бой оиласи номидан айрилди

Ротенберглар оиласи Forbes’даги Россиянинг энг бой оиласи номидан маҳрум бўлди, деб хабар беради RBC.

Борис ва Аркадий Ротенберглар АҚШнинг санкциялар рўйхатига киритилгандан сўнг, пешқадамликни қўлдан чиқарди.

Forbes рўйхатининг уч нафар иштирокчисини ўз ичига олувчи Ротенберглар оиласи – Аркадий Ротенберг (рўйхатнинг 60-ўрни), унинг ўғли Игорь Ротенберг (166-ўрин) ва акаси Борис Ротенберг (99-ўрин) – бир йил ичида Россиянинг энг бой оилалари рўйхатидаги биринчиликдан айрилди.

Forbes’нинг маълум қилишича, Аркадий, Борис ва Игорь Ротенбергларнинг умумий бойлиги бир йилда 2,95 миллиард долларга қисқарди. Ўтган йили уларнинг оилавий давлати 5,55 миллиард долларга баҳоланган эди.