Туркия бош вазири Аҳмад Давутўғли 18 август, сешанба куни мамлакат президенти Ражаб Тоййиб Эрдўғон билан учрашув ўтказиб, ҳукумат коалицияси тузиш ҳақидаги музокаралар муваффақиятсиз кечганини маълум қилди, деб ёзади «Ведомости».
Музокаралар Адолат ва тараққиёт партияси ҳамда социал-демократлар билан «Миллий ҳаракат» ўртасида ўтказилди.
Президент бош вазирга 9 июль куни ҳукумат коалициясини тузиш ваколатини берган эди. Давутўғлида 23 августгача вақт бор. Агар ўша вақтгача коалициявий кабинет шакллантирилмаса, президент муддатидан аввалги сайловларни эълон қилишга мажбур бўлади.
Изоҳ (0)