Ноқонуний муҳожирлар Ла-Манш остидаги туннель орқали Франциядан Буюк Британияга ўтиш учун 10 минг евро тўлайди. Бу ҳақда Франциянинг Europe 1 радиостанцияси ўтказган суриштирувлар чоғида маълум бўлди, дея хабар беради «Европейская правда».
ОАВ вакиллари Кале портида контрабандачилар гуруҳи фаолиятини текшираётган француз чегара полицияси таркибига қўшилди. Текширув натижаларига кўра, тўрт нафар албан ва икки нафар француздан иборат гуруҳ 2015 йил бошидан бери юк машиналарига яширинган 200 га яқин албанияликни туннель орқали Буюк Британияга 10 минг евро эвазига жўнатган. Ноқонуний бизнеснинг йиллик айланмаси эса 1,5 миллион еврога борган.
Франция полицияси бу иш юзасидан олти кишини ҳибсга олишга улгурди. Маълумотларга кўра, бундай фаолият билан албанлардан ташқари, афғон ва курд гуруҳлари ҳам шуғулланади.
Изоҳ (0)