Мўғулистонда шахмат бўйича эшитиш ва гапириш қобилияти чекланган спортчилар ўртасида ўтказилган Осиё чемпионатида ўзбекистонлик Сирожиддин Зайниддинов муваффақиятли иштирок этди. Бу ҳақда Ўзбекистон Миллий паралимпия ассоциациясига таяниб, ЎзА хабар бермоқда.
Сирожиддин нуфузли мусобақанинг блиц – тезкор шахмат йўналишидаги баҳсларида рақибларига ҳеч қандай имконият қолдирмади ва Осиё чемпионатининг олтин медалига сазовор бўлди.
Сирожиддин Зайниддинов эшитиш ва гапириш қобилияти чекланган шахматчилар ўртасида икки карра жаҳон чемпионидир. У 2004 йили Германия ва 2008 йили Швейцарияда бўлиб ўтган шахмат бўйича ўсмирлар ўртасидаги жаҳон чемпионатларида ҳам олтин медални қўлга киритган.
Изоҳ (0)