Германияда 16 ёшли қиз Кёнигсзе кўлида чўмилиш вақтида оғирлиги ярим килограмм бўлган олтин қуймасини топиб олди. «ТАСС»нинг қайд этишича, топилманинг қиймати 16 минг еврога баҳоланмоқда.
Баварияга дам олиш учун келган, асли Шимолий Рейн-Вестфалиядан бўлган қиз Кёнигсзе кўлига шўнғиш вақтида икки метр чуқурликда олтин қуймасини топиб олди ва ҳалол, виждонли инсон сифатида топилмани полицияга топширди.
Ҳозирги вақтда терговчилар қуйма қаердан келгани ва қандай қилиб кўлга тушиб қолгани устида бош қотирмоқда. Уларнинг сўзларига кўра, топилма — соф олтин. Ғаввосларнинг бошқа қуймаларни излаб топиш бўйича уринишлари бесамар кетди.
Изоҳ (0)