Бразилиянинг Сальвадор шаҳрида спорт курашлари бўйича ёшлар ўртасида бошланган жаҳон чемпионатининг биринчи кунидаёқ ўзбекистонлик спортчи совриндорлар сафидан ўрин эгаллади. Бу ҳақда Ўзбекистон Миллий олимпия қўмитаси матбуот хизмати хабар бермоқда.
Оғирлик вазни 50 килограммгача бўлган спортчилар мусобақасида Ўзбекистон шарафини ҳимоя қилган Жавоҳир Мираҳмедов бронза медали совриндори бўлди.
Ушбу вазн тоифасида ғолиблик эронлик Реза Хедрига насиб этди. Кумуш медалга грузиялик Нугзар Цурцумия сазовор бўлган бўлса, яна бир бронза медалини Амангали Бекболатов (Қозоғистон) қўлга киритди.
Эслатиб ўтамиз, 16 августга қадар ўтказиладиган мазкур жаҳон чемпионатида Ўзбекистон шарафини жами 6 нафар спортчи ҳимоя қилмоқда.
Изоҳ (0)