Бугун, 11 август куни Грузия пойтахти Тбилисида катта футбол байрами бўлиб ўтади. «Барселона» ва «Севилья» ўртасидаги УЕФА Суперкубоги учрашуви мазкур шаҳарда ўтказилади, деб хабар қилади «Uff.uz».
Хабарингиз бор, ўтган мавсум бўйича ЕЧЛ ва Европа Лигаси ғолиблари Суперкубок учун ҳам майдонга чиқади.
Эслатиб ўтамиз, ўйинга бўлган қизиқиш жудаям юқори. Буни харид қилинган чипталардан ҳам билса бўлади: барчаси сотиб бўлинган.
Тбилиси шаҳридаги биронта ҳам меҳмонхонада жой қолмаган. Ҳатто, шаҳар чеккаларидан мотель ва хостелларда ҳам жой топишнинг иложи йўқ. Сабаби аён, бугун ушбу шаҳарда дунё юлдузлар тўп суради.
Европанинг йирик букмекерлик корхоналари бу ўйинда «Барса»нинг сўзсиз ғалабасини башорат қилмоқда. Аслида ҳам шундайми? Бу саволга Тошкент вақти билан 23:45 да бошланадиган учрашувда жавоб топамиз.
Изоҳ (0)