Япония бош вазири Синдзо Абэ Токиода 2020 йилги Олимпиада учун қуриладиган бош стадион атрофида юзага келган можаро сабаб, маблағлар талон-тарож қилингани учун узр сўради. Бу ҳақда «ТАСС» хабар бермоқда.
Аввалроқ стадион лойиҳасини бошидан қайта ишлаб чиқиш қарори қабул қилинганидан сўнг 6,2 миллиард иена (жорий курс бўйича тахминан 49,8 миллион доллар) маблағни қайтариш имкони бўлмаслиги маълум қилинганди.
«Жамоатчилик маблағлари сарфлаб қўйилганидан жуда ҳам афсусдаман. Биз, Олимпиадани муваффақиятли тарзда ўтказиб, олдимизга қўйилган мажбуриятларни бажарамиз», — деди бош вазир.
Токиодаги Олимпиаданинг бош стадиони қурилиши атрофидаги можаро бир қатор япониялик архитекторлар ва амалдорлар лойиҳанинг ҳаддан ташқари қиммат эканлигини танқид қилиб чиққанидан сўнг бошланди.
Стадионнинг мураккаб кўриниши келиб чиқиши ироқлик бўлган британиялик машҳур меъмор – Заха Ҳадид томонидан тайёрланган бўлиб, мазкур лойиҳа бўйича қуриладиган стадион 2 миллиард долларга тушади.
Изоҳ (0)