Шарқий Осиё футбол федерацияси томонидан ташкил этилган Шарқий Осиё Кубоги доирасидаги сўнгги тур ўйинида КХДР Жанубий Корея билан 0:0 ҳисобида дуранг қайд этди, деб хабар қилади Ўзбекистон футбол федерацияси матбуот хизмати.
Шундай қилиб, Шимолий Корея терма жамоаси ўтказилган учта ўйинда қуйидагича натижалар қайд этди: Япония устидан ғалаба — 2:1, Хитой билан ўйинда мағлубият — 0:2 ва Жанубий Корея билан дуранг — 0:0.
Мусобақанинг якуний натижаларига кўра, биринчи ўринни 5 очко тўплаган ҳолда Жанубий Корея эгаллади. Хитой ва КХДР 4 очкодан олган бўлса, Япония фақатгина 2 очко тўплай олди.
Эслатиб ўтамиз, КХДР терма жамоаси Ўзбекистоннинг Жаҳон чемпионати—2018 саралашининг 2-босқичи доирасидаги рақиби ҳисобланади.
Изоҳ (0)