«Ордабаси»нинг 30 ёшли ўзбекистонлик ҳужумчиси Александр Гейнрих 3 та ўйинга дисквалификация қилинди, дея хабар бермоқда «Olamsport.com».
Қозоғистон чемпионатининг 22-туридан ўрин олган «Иртиш»га қарши ўйинда Александр Гейнрих 87-дақиқада учрашув тўхтаб турган пайтда Карлуш Фонсеканинг оёғига зарба бергани учун қизил карточка олган эди.
Қозоғистон ФФ регламентига кўра ўйин вақтида рақибга атайин зарба бериш 3 та ўйинга дисквалификация билан жазоланади. Ушбу жазо туфайли Гейнрих 20 сентябрга қадар майдонга туша олмайди. Ўша куни чемпионатнинг 26-тур ўйинлари бўлиб ўтади.
Эслатиб ўтамиз, Гейнрих Ўзбекистон терма жамоасига номзод футболчи ҳисобланади. Терма жамоа 3 ва 8 сентябрь кунлари ЖЧ-2018 саралаши доирасида Яман ва Филиппин термаларига қарши ўйин ўтказади.
Изоҳ (0)