Beeline мобил алоқа оператори жорий йилнинг август ойида компаниянинг бир қатор тариф ва хизматларига ўзгартиришлар киритилишини маълум қилди.
2015 йил 14 августдан бошлаб «Янги О!» тарифида ҳар сафар ҳисоб 2 доллар ва ундан ортиқ маблағга тўлдирилганда, 7 кун давомида тармоқ ичидаги чиқиш қўнғироқлари дақиқасига $0,005 (ярим сент) дан нархланади. Имтиёзли нархдаги тармоқ ичидаги дақиқалар миқдори 200 дақиқани ташкил этади. Ҳозирда (14 августгача) ҳисоб 2 доллар ва ундан ортиқ маблағга тўлдирилганда, 7 кун давомида тармоқ ичидаги 200 дақиқа чиқиш қўнғироқлари бепул бўлади.
14 августдан бошлаб Status тарифларидан ташқари барча тарифлар учун тариф режасини ўзгартириш учун тўлов 1 долларни ташкил этади. Ҳозирда ушбу миқдордаги тўлов «Браво Ооо», «Зўр-зўр МИХ» ва «Осон» тариф режаларидан бошқа (ҳозирда ушбу режаларга ўтиш бепул) тарифлар учун амал қилади.
14 августдан бошлаб «Менинг мусиқам» хизмати учун кунлик абонент тўлови $0,05 ни ташкил этади. Ҳозирда ушбу хизматнинг кунлик абонент тўлови — $0,03.
14 августдан «Ҳаммаси оддий» тариф режаси ёпилади ва ушбу тарифда хизмат кўрсатиш тугатилади, 20 августдан эса «О!», «Зўр-зўр» ва «Зўр-зўр МегаБит» тарифларида хизмат кўрсатиш тугатилади. Ушбу тарифлар абонентлари ўзларининг фойдаланиш эҳтиёжларидан келиб чиқиб амалдаги тариф режаларидан бирини танлаши ва айтилган муддатгача унга ўтиши мумкин. Тарифни ўзгартириш бепул амалга оширилади
Ушбу муддатгача тариф режасини ўзгартирмаган абонентлар автоматик равишда ўхшаш тариф режаларига бепул тарзда ўтказилади:
- «Ҳаммаси оддий» тарифи абонентлари «Осон» тариф режасига;
- «О!» тарифи абонентлари «Браво Ооо» тариф режасига;
- «Зўр-зўр» ва «Зўр-зўр МегаБит» тарифлари абонентлари «Зўр-зўр МИХ» тариф режасига ўтказилади.
Тариф режалари ва хизматларнинг бошқа барча шартлари ўзгаришсиз қолади.
Изоҳ (0)