Пабло Пикассо қаламига мансуб ва 25 миллион долларга баҳоланаётган «Ёш аёл боши» расми Корсикада, Швейцарияга жўнаётган кемада француз божхоначилари томонидан мусодара этилди. Бу ҳақда «Коммерсант.ru» хабар бермоқда.
Расм испаниялик банкир Жейми Ботенга тегишли. Бу жаноб кема эгаларидан бири ҳисобланади, аммо ҳодиса чоғида кемада бўлмаган. Капитан божхоначиларга ушбу расм маданий мерос ҳисобланиши ва Испания ҳудудидан чиқмаслиги лозимлиги таъкидланган протоколни кўрсата олган, холос.
2012 йили банкир коллекциясидаги ушбу қимматбаҳо экспонатни Буюк Британияга олиб кетишга ҳаракат қилган, аммо Испания маданият вазири бу илтимосни рад этганди.
Айни пайтда Франция маъмурлари испаниялик ҳамкасбларидан расмни қайтариш юзасидан талабнома кутмоқда.
Изоҳ (0)