Ҳинд океанидаги Реюньон ороли соҳилида йўловчи самолёти эшигига ўхшаш бўлак топилган. Бу ҳақда Sky News телеканалига таяниб, Meduza хабар бермоқда.
Олдинроқ Реюньонда самолётнинг корпуси ва қаноти қисмлари топилгани айтилган эди. Бу қисмлар 2014 йил мартида йўқолган Malaysia Airlines авиакомпаниясига тегишли Boeing 777 бўлаклари эканлиги тахмин қилинмоқда.
Шу билан бирга, Малайзия фуқаролик авиацияси департаменти раҳбари Азаруддин Абдул Раҳмон 2 август куни оролда топилган парча йўқолган самолётга тегишли эканини инкор этиб, уни эшик бўлаги эмас, нарвон эканлигини билдирди. Бу ҳақда у Associated Press агентлигига маълум қилган.
Изоҳ (0)