Facebook’даги «Потребитель.уз» гуруҳида меҳрибонлик уйларидан бирининг тарбиячиси муассасага бепул кондиционер ўрнатиб берган кишига миннатдорчилик изҳор этилган хабар қолдирди.
Унда ёзилишича, айнан «Потребитель.уз» гуруҳида олдинроқ меҳрибонлик уйи учун арзонроқ нархда кондиционер сотиш сўралган мурожаат қолдирилган. Гуруҳ фойдаланувчиларидан бири тарбиячи билан боғланиб, тез орада янги кондиционер олиб бориб, ўрнатиб берган ва эвазига фақатгина ўз исми ошкор этилмаслигини сўраган.
Ушбу хабар остига изоҳ қолдирган гуруҳ фойдаланувчилари исмини ошкор этишни истамаган сахий инсонни мақтовларга кўмиб ташлаган. Хабарга болалар кондиционер ўрнатилган хонада тушган фотосуратлар ҳам илова қилинган.
Изоҳ (0)