АҚШда 140 мингдан ортиқ киши овда Сесил лақабли шерни отиб ўлдирган тиш шифокори — Уолтер Палмерни Зимбабве маъмурлари ихтиёрига топшириш талаб қилинган мурожаатни имзолади. Америка қонунларига кўра, агар мурожаат бир ой давомида 100 мингта имзо тўпласа, ҳукумат унга муносабат билдиришга мажбур. Бу ҳақда Reuters маълум қилди, дея хабар бермоқда "Газета.ru".
Уолтер Палмер Зимбабведа бўлган чоғида ёли ноодатий қора рангда эканлиги билан машҳур Сесил лақабли шерни овда отиб ўлдиради. Палмер йўлбошловчиларга ишониб қолгани ва улар ов қилиш мумкин бўлган жониворни топишларига умид қилганини айтиб, ўзини оқламоқда. Маълумотларга кўра, бунинг учун у 50 минг доллардан ортиқ маблағ тўлаган.
Америка ОАВларининг хабар беришича, тиш шифокори 2008 йили Висконсин штатида қора айиққа ноқонуний ов уюштирганликда ҳам айбдор деб топилган.
Изоҳ (0)