Европа футбол ассоциациялари иттифоқи (УЕФА) раҳбари Мишель Платини Халқаро футбол федерациялари (ФИФА) президентлиги лавозими учун ўз номзодини қўйишини эълон қилди, деб хабар беради «ТАСС».
УЕФА президенти 209 та миллий ассоциациянинг бош котибига жўнатган мактубида чуқур мулоҳаза қилиб, бир қарорга келганини ёзган.
Бир ҳафта олдин ФИФА ижроқўми ташкилот президентлиги учун сайлов 2016 йил 26 февралда ўтказилишини эълон қилганди. Сайловгача ташкилотни 1998 йилдан бери бошқариб келаётган Йозеф Блаттер вақтинча ФИФА раҳбари вазифасини бажариб туради.
ФИФА президентлигига номзодлар ўз аризаларини жорий йилнинг 26 октябрига қадар топширишлари керак. Аргентина термасининг собиқ футболчиси Диего Марадона, франциялик собиқ футболчи Давид Жинола, Иордания шаҳзодаси Али бин Ал Ҳусайн, Либерия футбол ассоциацияси президенти Муса Билити ҳамда бразилиялик Зико сайловда иштирок этиш истагини билдирган.
Изоҳ (0)