АҚШ аэрокоинот музейи астронавт Нил Армстронг инсоният тарихида илк бор Ойга қўниш чоғида кийган скафандрни консервация қилиш учун маблағ тўплашни бошлади. Бу ҳақда «Korrespondent.net» сайти хабар бермоқда.
Гап шундаки, ўтган асрнинг 60-йилларида скафандрлар узоқ муддат фойдаланишни ҳисобга олмаган ҳолда ишлаб чиқилган, шунинг учун улар бугунги кунга келиб чирий бошлади.
Пул йиғиш кампаниясининг муваффақияти асл скафандрни музейда намойиш этиш имконини беради. Ҳозир кўпчилик томоша қилиши учун унинг нусхаси қўйилган, холос.
Маблағ тўплаш 20 июль, душанба, Ойга илк бор қўнилганининг 46 йиллиги нишонланган кун бошланди. Бугунгача талаб этиладиган 500 минг доллардан 43 минги йиғилди.
Изоҳ (0)