Теннис бўйича Ўзбекистон терма жамоаси Тошкентда бўлиб ўтган Жанубий Кореяга қарши ўйинда ғалаба қозонди ва Дэвис Кубогининг жаҳон лигасига ўтиш турнирида иштирок этиш ҳуқуқини қўлга киритди, деб хабар беради «Stadion.uz».
Дастлабки икки кун натижаларига кўра ўзбекистонлик теннисчилар 2:1 ҳисобида олдинда бораётган эди. 19 июль куни бўлиб ўтган дастлабки баҳсда Денис Истомин кореяликларнинг биринчи рақамли спортчиси Хёнг Чунгни мағлуб этди. Аниқроғи, дастлабки сетда Дениснинг қўли баланд келган бўлса (6:1), иккинчи сет бошида рақиб теннисчиси жароҳат боис ўйинни давом эттира олмади.
Тўқнашув тақдири ҳал бўлгани боис бешинчи ўйинда Ўзбекистон шарафини Темур Исмоилов ҳимоя қилди. У Жанубий Кореянинг иккинчи рақамли теннисчиси Сеонг Чанг Хонгга қарши ўйинда 5:7, 6:4, 3:6 ҳисобида имкониятни бой берди.
Натижада, Ўзбекистон ва Жанубий Корея ўртасидаги тўқнашув 3:2 ҳисобида Ўзбекистон фойдасига ҳал бўлди. Энди Ўзбекистон термаси кузда жаҳон лигасига ўтиш мусобақасида иштирок этади. Рақиб жамоа номи кейинроқ ташланадиган қуръада аниқ бўлади.
Изоҳ (0)